Joan den ostiralean, maiatzaren 11ean, 3. mailako ikasleak TOPIC zentroak antolatzen duen eskola kanpainan hartu zuten parte.

Egunean zehar txotxongilo emanaldia ikusi zuten eta bertako museoa eta aldiko erakusketa ikusi zuten. Horretaz gain, txotxongilo eraikuntza tailer batean ere hartu zuten parte.

Txotxongiloen munduaz gozatu eta honen inguruko gauza gehiago ikasteko aukera paragabea izan zen.

Joan den ostiralean, maiatzaren 13an, 2. ziklokoak Mirandaolan izan ginen. Tolosatik Legazpira trenez joan ginen eta handik Mirandaolara oinez.

Hango Museoan, Burdinolan eta baselizan bisita gidatuak izan genituen: orain dela 500 urteetako burdinola batean murgildu ginen eta garai hartako bizimodua ezagutzeko aukera izan genuen.

Bisitak bukatutakoan, ikasleek hango frontoian bazkaldu eta jolastu zuten.

Irteera interesgarria izan zen eta oso ondo pasa genuen.

Martxoaren 30etik maiatzaren 4ra bitarte Lehen Hezkuntzako 2. mailako ikasleak igeriketa ikastaroa egiten aritu dira herriko igerilekuan eta gaur 1. mailako A, B eta C taldeak hasi dira.

Igeriketaren inguruko oinarrizko trebetasunak garatzeaz  gain, ez dugu ahaztu behar ikasleen arteko bizikidetzan eta  hauen autonomiarako ere lagungarria dela.

Goizero oso kontentu irten dira igerilekurantz; buelta, aldiz, guztiz erlaxaturik!

Pasaden maiatzaren 3an, 1.mailako ikasleak eta tutoreak Izaskunera irteera egin genuen egun osorako.

Ikastetxetik irten eta tipi-tapa abiatu ginen; lehenbizi Tolosako kaleetan zehar Santa Klararaino eta hemendik aurrera maldan gora poliki-poliki. Bidean animali mota asko ikusi genuen; ahuntzak, zaldiak, astoak, ardiak, hegazti ezberdinak etabar. Baita zenbait baserritar beren lanetan murgildurik ere.

Baina irteeraren helburua ez zen hori, ez. Maiatza, Ama Birjinaren hilabetea izanik, Izaskungo gure "Amatxo" bisitatzea izan zen gure erronka. Bertako ermitan, elizkizun labur baina polit bat ospatu genuen eta gure ikasletako batzuk parte hartu ahal izan zuten.

Nahikoa jolastu, jan eta ondo pasa ondoren, eguraldiak oraindik errespetatzen zigularik, jaitsierari ekin genion.

Aipatzekoa da umeen portaera bikaina. Berriro ere egingo ditugu bai antzeko irteerak horrelako talde jatorrak izanda.